शेतकऱ्याच्या तोंडाचे पाणी पळवणारी फळमाशी आता शोधून सापडणार नाही

मक्षिकारी हा फळमाशी नियंत्रणाचा सर्वात प्रभावी उपाय आहे. फळमाशी ही एक अत्यंत हानिकारक कीड आहे जी अनेक प्रकारच्या फळांना बाधित करते. आर्थिकदृष्ट्या महत्त्वाच्या फळमाशांमध्ये मध्ये बॅक्ट्रोसेरा डोर्सेलिस (ओरिएंटल फ्रूटफ्लाय) आणि बॅक्ट्रोसेरा कुकुर्बिटी (मेलन फ्लाय) यांचा समावेश होतो.

ओरिएंटल फ्रूट फ्लाय ही एक बहूभक्षि/खादाड फळमाशी आहे जी आंबे, पपई, पेरू, डाळिंब, सीताफळ आणि टोमॅटोससह विविध प्रकारच्या फळांवर हल्ला करू शकते. ती या फळांत मोठे नुकसान करू शकते, ज्यामुळे शेतकरी हतप्रभ होतात .

मेलन फ्लाय कारले, टरबूज, खरबूज, काकडी, कद्दू, दुधी भोपळा, दोडका, गिलके, स्क्वॅश आणि टिंडा यांमध्ये 75% उत्पादन घटवू शकते.

या किडीवर कीटकनाशक, जाळी आणि परजीवी यासारख्या कीटक नियंत्रण पद्धतींनी सहजा-सहजी नियंत्रण ठेवता येत नाही कारण तिचे जीवन चक्र आणि पुनरुत्पादन या कीटक नियंत्रण पद्धतींना बायपास करण्यासाठी अधिक सुसज्ज आहे. फळमाशीच्या जीवन चक्राला चार टप्प्यांमध्ये विभागता येते: अंडी, अळी, कोष आणि प्रौढ.

मादी फळमाशी फुलांच्या अंडाशयावर, फळे विकसित होत असताना किंवा पिकलेल्या, सडणाऱ्या फळांवर अंडी घालते. प्रत्येक मादी अनेक फळांवर तब्बल 2000 अंडी घालते. अंडी लहान आणि पांढरी असतात आणि ते साध्या डोळ्यांनी दिसत नाहीत. सुमारे 24 तासांनंतर, अळ्या बाहेर पडतात. त्या लहान आणि पांढऱ्या रंगाच्या असतात आणि त्यांचे शरीर लांब आणि खंडित असते. अळ्या फळांचा गर खातात आणि वेगाने वाढतात. सुमारे 5-7 दिवसांनंतर, अळ्या खावून खावून थकतात आणि कोष तयार करतात. कोष हा एक कठोर कवच असलेल्या पेटी सारखा असतो ज्यामध्ये आळीचे रूपांतर माशी मध्ये होते. वातावरणानुसार कोष 4 ते 35 टिकतो. कोषातून फळ माशी बाहेर येते. ती तपकिरी - काळ्या रंगाची असते आणि नवीन रहिवास शोधण्यासाठी उड्डाण करते. प्रणय आणि संभोगासाठी ती सेक्स फेरोमनवर अवलंबून असते. मादी फळमाशी नर माशीला आकर्षित करण्यासाठी फेरोमोन सोडते व अनेक नरांशी सोबत करते. या नंतर काही दिवसातच ती अंडी घालू लागते. हवामान आणि अन्न उपलब्धतेनुसार फळ माशीचे संपूर्ण जीवनचक्र पूर्ण होण्यासाठी 20 ते 100 दिवस लागतात.

मक्षिकारी ट्रॅप, सेक्स फेरोमोन सापळ्यावर आधारित असून पुनरुत्पादनात अडथळा निर्माण करतात. ते 45 ते 60 दिवस फेरोमोन सोडतात. नर माशी सापळ्याकडे आकर्षित होते आणि अडकून मारली जाते. मादी माशीचे नरासोबत मिलन न झाल्याने त्या अंडी देवू शकत नाही. अशा प्रकारे मक्षिकारी फळ माशीचे पुनरुत्पादन चक्र खंडित करते आणि लोकसंख्या नियंत्रित करते.

शेतकरी आणि फळबागा मालक किडीच्या निगराणीसाठी तसेच किडीच्या पूर्ण नियंत्रणासाठी मक्षिकारी वापरू शकतात. फळमाशी नियंत्रणासाठी कीटकनाशक फवारणीची गरज उरत नाही. एक सापळा 5000 स्क्वेअर फूट क्षेत्रात फळ माशी नियंत्रित करू शकतो. त्यामुळे एका एकरमध्ये 15 सापळे पुरेसे होतात.

किचन गार्डन्स, पॉली हाऊस मध्येही मक्षिकारी वापरले जाते. किचन गार्डन मध्ये वर्षभर नियंत्रणासाठी दर महिन्याला एक सापळा बसवावा लागतो. पॉलीहाऊस मध्ये निरीक्षणासाठी एक सापळा बसवावा आणि त्यात माश्या आढळल्यास सापळे वाढवावेत.

मक्षिकारी चा उपयोग अगदी सोपा आहे. पाऊचमध्ये वायर गुंढाळलेला एक ठोकळा असतो. तो काळजीपूर्वक उलगडावा आणि ग्लासच्या तळाशी असलेल्या पिन होलमधून बाहेर काढावा. ग्लास चे झाकण व्यवस्थित बंद करावे. आता हा सापळा जमिनीपासून 3-4 फूट अंतरावर लटकवावा. शेतकरी सहसा एका वेळी सर्व सापळे तयार करतात आणि नंतर ते शेतात बसवण्यास सुरवात करतात.

मक्षिकारी सर्व अग्रगण्य कृषीकेंद्रात तसेच Amazon वर ऑनलाइन उपलब्ध आहे.

तुम्ही कधी मक्षिकारी वापरले असेल तर आपला अनुभव कमेंट मध्ये लिहा जेणे करू इतर शेतकरी ते जाणू शकतील.